Usa nga pawikan nahipungot han bunuan ni Mr. Carlicos Tabungar taga Brgy. Sto. Niño kakulop nga adlaw. Waray naman hiya magruha duha pagturn-over han nasabi nga pawikan ha aton maabtik nga MENRO ENGR. FELIX JOHN BIANES ngan amo an nag impormar ha CENRO.
Kaupod an taga CENRO, MR. MAHNEL FERRERAS, DENR Tree Marker, DENR-CENRO BORONGAN ngan hi Mr. NOLY ABROGAR, DENR, sugad man han aton malaum laum nga secretary to the mayor, Mr. Jared Pompee Jamarolin, Mr. Reynaldo Abon, Mr. Christopher Quiza ngan han mga taga Office of Municipal Agriculture, an nasabi nga pawikan in ginbuhian didi ha pantalan ha Brgy. Sto. Niño agud makagpadamo pa ini han iya lahi. Igindidiri an pagdakop, pag-alaga ngan pagpatay hini haira kay dako an ira pakabulig ha aton kadagatan.
